3-تولكو و آیی دوستلوغو
گونلرین بیر گونونده تولكو و آیینئن بیر كوپه یاغئ وارایمیش. تارلادا ایشلركن تولكو بیر كلك ایشلر گئدیب یاغئ یه سین. یالاندان باغئرار: هه نه دییر سیز ، آییا دییر : ائله بیل باجئمئن اوغلو اولوب گئدیم گلیم، گئدیب بیر آز كوپه نین باشئن ییر گلر. آیی سوروشار: آدئن نه قویدونوز؟ دییر : باشئندان. گئنه ده یالاندان قارداشئنئن اوغلو اولماغئنا های سالار گئدر كوپه نین یارئسئنا جان ییر گلر. آیی دئیه ر : بو دؤنه آدئن نه قویدونوز؟ دییر: یارئسندان. بیر دفعه ده ائله او بیری قارداشئنئن اوشاقئن ئن ماهناسئنا گئدر آیی سوروشار : آدئن نه قویدونوز؟ دییر دیبیندن!! آیی ایشدن دؤنن ده های سالار یاغ بهَ هانئ؟ تولكو قاچئب گئندن گئنه دییر :آی ائششك بایاغدان دئییردیم آنجاق هوشون كسمه دی یاغئ من یه میشم. اونو دئییب گؤزدن ایتر.
4-كئچل
وار ایمیش یوخ ایمیش كنددیده بیر خان وار ایمیش. او بیر عایله نین بیر جاوانئن اؤلدورموشدو. عایله ده قالان بیر جاوان كئچل آدلئ بیر اوغلانئمئش. شاهئن قوللوغونا نؤكرلییه گئدر. خان اونودا بیر ماهناینان اؤلدورمك ایستر. دییر : بو چینی باشماق لارئنان گئدیب الك ده چایدان سو گتیره جكسن یوخسا باشئنئ اوزه رم . كئچل بو ایشین اولمادئغئنئ گؤره ر بیر سطیل سو گؤتوروب گئدر چایدان سو گتیره ر. خان دییر الك ده سو گتیر مینی دئمه میش دیم می؟ كئچل دییر: آی خان دئدین سو بودا سو نه ایستیرسن...خان گؤره ر بو اوغلانئنان باشارا بیلمه یه جك. بیر داهادا اونو اودونا یوللار دییر: هاردا گؤردون تولا هورور اوردان اودون گتیره جكسن یوخسا باشئنئ اوزه رم. كئچل اودونا گئدر. گؤره ر تولا گئدیب تپه ده آنقئرئر. كسینتی لرین بیرین الینه آلئب تولایا یامان چئرپار اؤلوسون خانا گتیرهر خان سوروشار : نییه تولانئ اولدوردون. كئچل دییر : او ایشه یارایان تولا دئیل اتك لرده اودون اولا اولا گئدیب داغلاردا اولاییر. خان دییر اولسون آیرئ چارا قئلارام گئچه قاووشار خان دییر :آی كئچل مال-داوارئ راحاتلا یاتئرئق . كئچل ده هامئسئنئ اؤلدوره ر. گلر دییر خان هارا؟ گل مال-داوارئ سویاق. نیه دیینده دییر : اؤزون دئدین راحاتلا منده راحاتلادئم. حله گئدیب سویاللار بیرآزئن شیشلیك ائدیب ییللر. خانئن قئزئ چوخ یئییب تئرئخا دوشه ر. خان كئچله اونو سو باشئنا آپارماغئنئ بویورار. كئچل ده سو یولونا آپارئب قئزئن بودوندان قئرتار :دئ ایشه! قئزین هر دفعه ده ایشه مه یی قاچئرمئش قئزدا یامان آغلئرمئش . خان قئزئنئن های كویوندن جانا گلیب دییر : دلی شیطان دییر دئییم بو قئزئدا راحاتلا! كئچل ائشیدیب قئزی اؤلدوره ر. سحر آچجاغئ دییر: خان دور دون گئجه بویوردوغونو ایله دیم. نیله دین دییر ، ها دئمیشدین قئزی راحاتلا منده راحاتلادئم. گئدللر قبریستانلئقا قئزی قویلاسئنلار خان دییر: بهَ هانی قازما؟ دییر :آی خان نئچه الیم واركی بیر ایله قئزئ او بیری ایسه بئلی داشئدئم. دییر: گئت سارایدان آل گتیر. كئچل گئدر قاپیا خانئن بیرینجی آروادئ چئخار ، كئچل دییر: خان دئدی وئرسین. آرواد دییر: نه یی؟ كئچل دییر : بیلمیرم خان دئدی وئرسین. آرواد دییر: آخئ نه یی؟ كئچل باغئرار دییر : آی خان وئرمیر!! خان دییر : آی دلی شیطان دییر دهِ اونودا اؤلدورسون . كئچل ائشیدر قازمانی گؤتوره ر چالار آروادئن باشئنا . گله ر. قئزئن گورون قازئب اونو قویلارلار. خان قاییتماقدا كئچل دییر هارا خان گل بیر گوردا قازاق. خان نیه سینی سوروشاندا دییر: بهَ اؤزون دئمه دین آروادئ اؤلدور منده اؤلدوردوم. حله قایدیب گله للر سارایا. خان ایكینجی آروادئنا یاواشجا دییر :آی آرواد ال چؤره یندن زاددان بیشیر بیر آزدا پنیر، سارئ یاغ چئخئب گئده ك یوخسا بو كئچل هامئمئزئ قئراجاق. كئچل ائشیدر گئچه نی اویاق قالار خان یوخویا گئدنده گئدیب گیره ر جوواللارئن بیرینه. سحر آچئلمامئش خان ایلن آروادئ چئخاللار. یول اوسته كئچل پنیر سارئ یاخدان ییرمیش ایشیرمیش! خان دییر آرواد گؤروسن سارئ یاغئن شوشه سینین آغزئن بوش ائله میسن یاغ سوزور. لیواندا دولدوروب ایچه ر دییر: یامان دا ایشمه لی اولموش. گئدللر بیر كنده چاتاندا ایت لر قاباقلارئنا چئخاللار. خان دییر :آی كئچل بیر بوردا اولوردو سیزه دییردی. كئچل ائشیدجك جوالدان تئز آتئلار ائشیه –من نن ایدیز خان! ایتلری دؤیه ر. گئچه قاووشار بیر یرده دؤشه نیب یاتاللار خان دییر گؤز اول كئچل یاتاندا اونو سورویك آتاق دره آشاغئ. كئچل ائشیدر اونلار یاتمایینجا یاتماز . گئچه خانئ سورو یه ر اؤز یئرینه گئچه ر خانئن یئرینه دییر : قالخ آرواد كئچلی آتاق داغ آشاقئ. سحر آچئلاندا آرواد باخار گؤره ر دره یه آتدئغلارئ آدام خانئمئش باغئرماغا باشلار. كئچل اونون قولاغئندان بیر شاپالاق ووروب دییر : اوزویولا آرواتلئق ائده جكسن یوخسا سنی ده اؤلدوره رم.